Vasılıı Levıt qorqordy zalalsyz degendi joqqa shyǵardy
ASTANA. QazAqparat - «Qorqor týraly aqıqat» ulttyq naýqanynyń bas keıipkeri bokstan Olımpıadanyń kúmis júldegeri Vasılıı Levıt qorqordyń qaýipsizdigi týraly taǵy bir ańyzdy joqqa shyǵardy: «Sanıtarlyq dárigerler men noshisha.kz saıtynan qorqorda qaýipti irińdi bakterııanyń birneshe túri tabylǵanyn bildim, osydan keıin kópshiligi qorqor tartýdy toqtatyn shyǵar dep úmittenemin, sebebi bul - ınfektsııa uıasy».
Vasılıı Levıt vıdeo joldaýdy Instagramdaǵy paraqshasynda ornalastyrdy.
Shynymen de, 2013 jyly sanıtarlyq-epıdemıologııalyq saraptama nátıjesi boıynsha qoǵamdyq oryndarda qorqor shegýge tyıym salǵan bas sanıtarlyq dárigerdiń qaýlysy qabyldandy. Qoǵamdyq oryndardaǵy nysandarda, el boıynsha qorqor shegý oryndarynda zerttelgen temeki tútiginen, qorqor suıyqtyǵy men saýytta, bastapqy qospadan alynǵan synamadan qaýipti bakterııalar tabyldy: atap aıtqanda, kók irińdi taıaqsha, altyn tústes stafılokokk, ishek bakterııalary, zeń sańyraýqulaqtar. Qorqor suıyqtyǵy tútiktiń saýytpen túıisken jeri - aýrý týdyrǵysh bakterııalardyń kóbeıýine yqpal etedi, ol jerde jyly ári ylǵaldy, dep atap ótedi sarapshylar.
