Vasılıı Levıt Qazaqstan chempıonatyna qatyspaıdy
ASTANA. QazAqparat - 2017 jylǵy Gambýrgtegi bokstan álem chempıonatynyń qola júldegeri Vasılıı Levıt qarasha aıynda Shymkentte ótetin Qazaqstan chempıonatyna qatyspaıdy, dep habarlaıdy Sports.kz.
«Oǵan sebepterim bar. Álem chempıonatynda ekinshi aıqastan keıin qolymdy syndyryp aldym, sol jaraqatty emdetý kerek. Qazirgi ýaqytta saýyqtyrý kýrstarynan óttim, taıaýda tolyqqandy jattyǵý jumystaryna kirisemin», - dedi Levıt.
Aıta keteıik, buǵan deıin týrnırge qatyspaý nıetin aldymen qalpyna kelip alǵysy keletin Danııar Eleýsinov te bildirgen bolatyn.
