Vasılıı Levıt frantsýz boksshysyn jeńip, Ispanııadaǵy týrnırdiń jartylaı fınalyna shyqty

NUR-SULTAN. QazAqparat – Kastelonda (Ispanııa) bokstan qazaqstandyqtar da qatysyp jatqan halyqaralyq týrnır jalǵasýda. Qazaqstandyq boksshy Vasılıı Levıt frantsýz boksshysy Seıdı Kýpemen jekpe-jekte jeńiske jetti, dep habarlaıdy QazAqparat Sports.kz saıtyna silteme jasap.

Jarysta 91 kelige deıingi salmaq dárejesinde Qazaqstan atynan Vasılıı Levıt shyǵady. Shırek fınalda ol frantsýz boksshysy Seıdı Kýpemen kezdesip, tóreshilerdiń biraýyzdan qabyldaǵan sheshimimen jeńiske jetti. Osylaısha, Levıt jartylaı fınalǵa shyǵyp, osy týrnırde medal alatyndyǵy aıqyn boldy.

Vasılıı Levıt – Olımpıada oıyndarynyń kúmis júldegeri (2016), Álem chempıonatynyń qola júldegeri (2017, 2019), Azııanyń úsh dúrkin chempıony (2009, 2015, 2017). Sonymen qatar ol Qazaqstan chempıonatynda úsh ret (2009, 2015, 2017) jeńiske jetken.