Vasılıı Levıt ekinshi qarsylasyn da nokaýtqa jiberdi

ASTANA. QazAqparat - Búgin QR Prezıdentiniń 2018 jylǵy Kýbogynda Vasılıı Levıt kezekti qarsylasyn da nokaýtqa túsirdi. Bul jóninde Qazaqstan boks federatsııasynyń baspasóz qyzmeti habarlaıdy.

Eske sala keteıik, Levıt 1/8-de úndilik Sandjıtpen jekpe-jegin aıaqtaǵan bolatyn. Shırek fınaldyń birinshi raýndynda qytaılyq Van Jıbaony nokaýtqa túsirdi. Jartylaı fınalda Vasılııge qarsy 2015 jylǵy Eýropa oıyndarynyń qola júldegeri reseılik Sadam Magomedov shyǵatyn bolady.

Bokstan QR Prezıdentiniń Kýbogynda 10 salmaq dárejesindegi erler jáne tórt salmaq dárejesinde áıelderdiń jartylaı fınalısteri anyqtaldy.

51 kelige deıingi salmaq dárejesindegi álemniń eki dúrkin chempıony Nazym Qyzaıbaı taılandtyq Tantıp Vannapromdy jeńip, jartylaı fınalda japon sportshysy Namıkı Tsýkýmımen kezdesedi. Taǵy bir japondyq boksshy Hırýta Mıtsýkı búgin Nazym Işanovany jeńdi; fınalǵa shyǵý úshin Mıtsýkı Dámetken Kelimbetpen synǵa túspek.


Qazaqstannyń 2018 jylǵy chempıony Rımma Volosenko (60) jartylaı fınalda úndilik Prııanka Chodrımen kezdesedi. Chodrı Qazaqstanǵa jıi keledi, osy jyly-aq Şýchınskide ótken TMD Kýbogynda qola medaldi ıelengen.

Búgin jartylaı fınalǵa álem chempıony Qaırat Eralıev (56) shyqty, oǵan Ózbekstan ókili Shahobıddın Zoırovpen kezdesý buıyryp tur, dál solaı Temirtas Júsipov (49) te Eýropanyń eki dúrkin chempıony reseılik Vasılıı Egorovpen synǵa túsedi. Kýbokqa talasty Jomart Erjan, Іlııas Súleımenov (56), Baqdáýlet Ibragımov (64), Ábilhan Amanqul, Erik Áljanov (75) jáne basqa da qazaqstandyqtar jalǵastyrmaq.


Jeńimpazdardyń esimi 10 maýsymda belgili bolady. Kún saıyn saǵat 13.00-den bastap QAZSPORT telearnasy barlyq jekpe-jekterden habar taratady.