Vashıngtonnyń ortalyǵynda er adam ózin-ózi órtep jibermek boldy
ASTANA. 5 qazan. QazAqparat - AQSh-tyń Vashıngton qalasynyń Ulttyq alleıasynda ózin-ózi órtep jibermek bolǵan er adam asa aýyr jaǵdaıda aýrýhanaǵa jetkizildi, dep habarlady RIA Novostı amerıkalyq BAQ-tarǵa silteme jasap.
Oqıǵaǵa kýá bolǵandardyń sózinshe, belgisiz er adam qyzyl kanıstraǵa quıylǵan janarmaıdy basyna quıyp, ózin-ózi órtep jiberdi. Abyroı bolǵanda, sol jerden ótip bara jatqan adamdar ústerindegi kóılekterimen lapyldaǵan jalyndy toqtatyp, er adamdy ajaldan aman alyp qalǵan.
Órt sóndirýshilerdiń aqparatynsha, er adamnyń hali múshkil. Al onyń aty-jóni men jasy habarlanbady.
Atalǵan tótenshe jaǵdaı Aq Úıden Kapıtolııge deıin bolǵan atystan bir kúnnen keıin oryn aldy. Beısenbi kúni polıtsııa qyzmetkerleri AQSh prezıdentiniń rezıdentsııasyna kóligimen basyp kirmek bolǵan áıel adamdy atyp tastaǵan edi.
