Vashıngtondyq metro paıǵambar karıkatýrasyn jarnamalaýdan bas tartty

ASTANA. QazAqparat - Vashıngtondyq metropolıten ákimshiligi «Amerıkalyq bostandyqty qorǵaý bastamasy» uıymy Muhammed (s.ǵ.s) paıǵambardyń karıkatýrasyn ornalastyrýǵa tilek bildirgennen keıin kez kelgen áleýmettik-saıası jarnamany jarııalaýdy toqtatty, dep jazady Bı-bı-sı.

Vashıngtondyq metro paıǵambar karıkatýrasyn jarnamalaýdan bas tartty

Budan buryn «Amerıkalyq bostandyqty qorǵaý bastamasy» paıǵambarǵa arnalǵan karıkatýra baıqaýyn uıymdastyryp, jeńiske jetken sýretti AQSh astanasynyń qoǵamdyq kóligine ornalastyrmaqshy bolǵan.

Baıqaý Tehasta mamyrdyń basynda ótti. Sol kezde eki adam atys uıymdastyryp, olardy polıtsııa óltirgen bolatyn.

Islam Muhammed paıǵambardyń sýretin kórsetýge tyıym salǵan. Baıqaýda jeńiske jetken sýrette paıǵambar qylyshpen: «Meni beıneleı almaısyń!» dep qaharlana sóılegen, oǵan sýretshi qaryndashpen: «Sol úshin de beıneleımin» dep jaýap bergen.