Vashıngtondaǵy qazaq dıasporasy Naýryzdy atap ótti
Merekeni uıymdastyrýshy, Vashıngtondaǵy qazaq dıasporasynyń kóshbasshysy jáne Qazaq-Amerıka qaýymdastyǵynyń prezıdenti Darhan Nurmaǵambet Naýryz merekesi 2005 jyldan beri jyl saıyn ótkizilip kele jatqanyn aıtty. Koronavırýs ınfektsııasyna baılanysty engizilgen karantın kezeńindegi eki jylda ǵana toılanbaǵan.
Dástúr boıynsha merekelik is-shara qazaq dıasporasy ókilderiniń arasyndaǵy aqsaqaldyń «Bata berý» mańyzdy ádet-ǵurypynan bastaldy.
«Uıym óz dástúrin jáne ana tilin umytpaýy úshin, sondaı-aq otbasylarymen dostyqty nyǵaıtý úshin barlyq otandastaryn jınaýǵa jáne biriktirýge tyrysady», - dedi D. Nurmaǵambet.
Ulttyq merekelerde bas qosýdyń arqasynda Vashıngtonda balalary ósip kele jatqan birneshe qazaq otbasynyń basy qosylǵanyn atap ótý qajet.
Bıylǵy merekede táı-táı basqan kishkentaıdyń «Tusaýyn kesý» rásimi ótkizildi.
Qazaq dıasporasy basshysynyń atap ótýinshe, qaýymdastyq balalar men jastardyń merekelik nómirlerge belsendi qatysýyna jáne qazaq mádenıeti týraly bilimderin kórsetýine kúsh salyp jatyr. Balalar óleńderin ana tilinde aıtyp, ulttyq bı bılep, qazaqtyń mýzykalyq aspaptarynda oınaıdy.
Іs-sharaǵa 250-ge jýyq otandas qatysady dep josparlanǵan bolatyn, biraq 400-ge jýyq adam keldi. Dıaspora qatary jastar men aralas nekeden týǵan sheteldikterdiń esebinen artyp keledi. Sondaı-aq, Qazaqstandy biletin jáne onyń mádenıetine qyzyǵatyn amerıkalyqtar da kóptep qatysa bastady.
Bizdiń kóptegen otandasymyz AQSh-ta 20 jyldan astam ýaqyt turyp jatyr jáne olar qazaq mádenıetin, ásirese jańa urpaq úshin saqtaýǵa tyrysady. Bul is-shara, eń aldymen AQSh-ta týǵan balalarǵa óz tilin, ádet-ǵuryptary men Otanyn bilýi úshin ótkizildi.
D. Nurmaǵambet ózi basqaratyn qaýymdastyq amerıkalyq kommertsııalyq emes mádenı uıym ekenin jáne ol úshin Qazaqstan zań boıynsha qandaı da bir qarjylyq qoldaý alýǵa tyıym salynatyn shet memleket bolyp tabylatynyn túsindirdi.
Sonymen qatar, Qaýymdastyq prezıdenti Vashıngtondaǵy QR Elshiligimen óte jaqsy qarym-qatynasta ekenin, uıym qazaqstandyq tarapqa mádenı salada kez kelgen kómek kórsetýge daıyn ekenin atap ótti.
