Vashıngtondaǵy atys kezinde eki adam qaza taýyp, bes adam jaralandy
ASTANA. KAZINFORM —Jeksenbi kúni tańerteń Vashıngtondaǵy oıyn-saýyq kesheninde birneshe adam oqqa ushty, dep habarlaıdy NBC News.
El astanasyndaǵy Kennedı demalys ortalyǵynda bolǵan qarýly shabýyldan eki adam qaza taýyp, taǵy bes adam jaralandy, dep habarlady jergilikti polıtsııa departamenti.
Zardap shekkender jergilikti aýrýhanaǵa jetkizildi, olardyń barlyǵy eresek adamdar.
Polıtsııa afroamerıkalyq dep sıpattalǵan ortasha deneli, ashyq tústi shalbar men kók kóılek kıgen kúdiktini izdep jatyr. Ony sońǵy ret eldiń ońtústigine kólik aıdap bara jatqanda kórgender bar.
Quqyq qorǵaý organdary qylmystyń sebebin zerdelep jatyr.
Kolýmbııa okrýgi polıtsııasynyń statıstıkasyna sáıkes, 2023 jyly Vashıngtonda sońǵy jıyrma jylda ólim-jitim kóp tirkelgen jyl boldy.
Buǵan deıin 2023 jyly AQSh-ta 652 jappaı atys bolyp, 42 oqıǵa adam ólimimen aıaqtalǵany habarlanǵan bolatyn.