Vashıngtonda Tramp jaqtastarynyń narazylyq aktsııasynan keıin komendanttyq saǵat engizildi
VAShINGTON. QazAqparat - AQSh astanasynda jappaı tártipsizdikke baılanysty komendanttyq saǵat engizildi, dep habarlaıdy QazAqparat BBC agenttigine silteme jasap.
Sársenbi kúni AQSh kongresi saılaýshylardyń daýsyn eseptep, 2020 jylǵy prezıdent saılaýynyń qorytyndysyn shyǵarý úshin jınalǵan bolatyn. Ózderińizge belgili, bul saılaýda demokrattar partııasynyń ókili Djo Baıden jeńiske jetken edi.
Vashıngtonda buǵan deıingi prezıdent Donald Tramp jaqtastarynyń jappaı narazylyq aktsııasynan keıin oǵan qatysýshylardyń bir toby kongress ǵımaratyna basyp kirdi.
Jalpy, Donald Tramp osynyń aldynda Vashıngtonnyń ortasynda myńdaǵan adam jınalǵan mıtıngte sóz sóılep, óziniń jeńilgenin moıyndamaıtynyn aıtqan. Sóıtip ózine senetin qaýymdy Kapıtolıı ǵımaratyna baryp, narazylyq bildirýge shaqyrdy.
Tún jarymyna qaraı AQSh kongresi men senatyn kúzetetin polıtsııa Tramptyń jaqtastaryn Kapıtolıı aýmaǵynan tyqsyryp shyǵardy.
Qaýipsizdiktiń jańa perımetri úkimet mekemelerinen 100-150 metr qashyqtyqta dep belgilengen. Polıtsııa demonstranttardy áli de qýyp jatyr.
Senat ǵımaratyn AQSh ulttyq ulanynyń jasaǵy da kúzetip tur.
Soǵan qaramastan polıtsııa narazylyq bildirýshilerdi ustap, qamaǵan joq. Olar tek Tramp jaqtastarynyń bul jerden ketýge úgittep, kóndirip jatyr. Bılik komendanttyq saǵat engizdi.
Narazylyq aktsııasynan keıin AQSh kongresi daýys sertıfıkattaýdy jalǵastyrýǵa daıyn ekenin málimdedi.
