Vashıngtonda saıabaqqa jaı túsip, tórt adam zardap shekti

VAShINGTON. QazAqparat – Vashıngton saıabaǵyna jaı túsip, zardap shekken tórt adamnyń jaǵdaıy aýyr, dep habarlaıdy QazAqparat ABC News-ke silteme jasap.

Kolýmbııa okrýginiń órt sóndirýshileri men jedel járdem qyzmetkerleri oqıǵa Aq úıdiń aldynda ornalasqan Lafaıet saıabaǵynda bolǵanyn aıtty.

Zardap shekkender aǵashqa jaqyn jerden tabylǵan. Aýyr jaraqat alǵan eki er adam men eki áıel aýdandyq aýrýhanalarǵa jetkizildi.

Resmı tulǵalardyń aıtýynsha, jazataıym oqıǵanyń mán-jaıy anyqtalyp jatyr.

Buǵan deıin Úndistannyń Ýttar-Pradesh shtatynda bir aptada 50-ge jýyq adamǵa jaı túsip, kóz jumǵany týraly habarlanǵan bolatyn. Qurban bolǵandardyń kópshiligi qatty mýssondyq jańbyr kezinde aǵashtardyń astyna tyǵylǵan. Qaza tapqandar sanynyń artýyna baılanysty úkimet halyqqa naızaǵaı kezinde ózin qalaı qorǵaý keregi týraly jańa erejeler taratýǵa májbúr boldy.

Foto: abcnews.go.com