Vashıngtonda «Paıǵambarǵa (s.ǵ.s.) mahabbat» kórmesi ashyldy
ASTANA. QazAqparat - AQSh astanasy Vashıngton qalasynda ardaqty paıǵambarymyz Muhammedtiń (s.ǵ.s.) qurmetine arnalǵan ıslam kallıgrafııasy kórmesi ashyldy. Aıtýly shara AQSh-taǵy Túrkııa elshiliginiń uıytqy bolýymen uıymdastyrylǵan, dep habarlady muslim.kz.
«Búgingi aıtýly shara úlken mańyzǵa ıe. Kórmeniń maqsaty - Quran jáne paıǵambar (s.ǵ.s.) hadısteri arqyly Islam qundylyqtaryn jurtshylyqqa jetkizý. Islam dininiń qundylyǵyn burmalap jetkizilip, durys baǵalanbaı jatqan shaqta bul kórmeniń mańyzy óte zor», - dep málimdedi Túrkııa elshisi Serdar Kylych.
«Paıǵambarǵa (s.ǵ.s.) mahabbat» kórmesinde álemge aty áıgili kallıgraf týyndylary qoıyldy. Onda qasıetti Quran aıattary, paıǵambarymyz Muhammedtiń (s.a.s.) ónegeli ósıetteri, sondaı-aq Alla elshisiniń esimderi órnektelgen.
