Vashıngtonda ózennen áskerı tikushaq qaldyqtary tabyldy

ASTANA. KAZINFORM — Potomak ózeniniń qutqarý ekıpajy ótken aptada ushaqpen soqtyǵysyp apatqa ushyraǵan «Black Hawk» áskerı tikushaǵynyń qaldyqtaryn shyǵardy, dep habarlaıdy Kazinform tilshisi. 

Resmı tulǵalardyń habarlaýynsha, ushaq pen tikushaqtyń barlyq negizgi bólshegi qaıǵyly oqıǵanyń sebebin anyqtaý úshin sarapshylar men tergeýshilerge jiberildi. 

Qutqarý qyzmetteri endi ushaqtyń usaq fragmentterin izdeýge kóshti. Ol aldaǵy 10 kúnge sozylady. Ulttyq muhıt jáne atmosfera basqarmasy sýdy lazermen  skanerleý úshin ushaq paıdalanady. 

Federaldy avıatsııa ákimshiliginiń áýe qozǵalysyn basqarý dırektsııasy avıakompanııa basshylaryna áýejaıǵa keletin ushaqtar sanyn saǵatyna 28-den 26-ǵa qysqartýdy usyndy.

- Bılik Potomak ózeninen barlyǵy 67 adamdy alyp shyqty, onyń 66-synyń jeke basy anyqtaldy. Medıtsınalyq saraptama keńsesi sońǵy qurbandy anyqtaýmen aınalysyp jatyr, - dep habarlady NBC News. 

Buǵan deıin Vashıngtondaǵy Reıgan ulttyq áýejaıy mańynda kommertsııalyq áýe laıneri men áskerı tikushaqtyń qulaǵany týraly habarlanǵan bolatyn.