Vashıngtonda Naýryz meıramyna arnalǵan saltanatty kesh ótti
Bul qalada Áz Naýryz osymen 5-shi ret toılanyp otyr. Іs-sharany "Naýryz komıssııasy" úkimettik emes uıymy men osy kóktem merekesin toılaıtyn elderdiń Vashıngtondaǵy dıplomatııalyq ókildikteri, onyń ishinde Qazaqstan Elshiligi uıymdastyrdy. Bul týraly QR SІM baspasóz qyzmetinen habarlady.
"Naýryz komıssııasyn" qurý jáne amerıka jerinde Naýryzdy keńinen dáripteý ıdeıasy kezinde AQSh-ta Qazaqstan Elshisi bolǵan, qazirgi Syrtqy ister mınıstri E.Ydyrysov pen belgili kásipkerler men metsenattar Nasser Kazemını men Bıjan Kııanǵa tıesili. Olardyń bastamasy Naýryz meıramyn atap ótetin elder elshilikteriniń de belsendi qoldaýyna ıe boldy, - delingen habarlamada.
Bıylǵy saltanatty keshte 500-den astam Amerıkanyń resmı tulǵalary, kásipkerleri, sarapshylary, ǵalymdary men qoǵam qaıratkerleri, sondaı-aq dıplomatııalyq korpýs ókilderi qatysty. Gala-kesh barysynda qonaqtar nazaryna «TÚRKSOI» túrki mádenıeti salasyndaǵy halyqaralyq uıymnyń Bas hatshysy Dúısen Qaseıinov uıymdastyrǵan óner sheberleri tobynyń kontserti usynyldy.
Shara qarsańynda, 14 naýryzda QR Elshiligi qoldaýymen D.Qaseıinov Aq úıde Ulttyq qaýipsizdik keńesiniń Ortalyq Azııa jónindegi dırektory Genrı Ýstermen kezdesý ótkizip, Prezıdent B.Obamaǵa TÚRKSOI-dyń 20 jyldyq mereıtoıyna oraı arnaıy syı tabys etti.
