Vashıngtonda Kýbanyń jalaýy kóterildi

Saltanatty rásimge Kýbanyń syrtqy ister mınıstri Brýno Rodrıges qatysty, dep habarlady Bı-bı-sı..

Budan buryn AQSh memlekettik hatshysy Djon Kerrıdiń osy aralǵa resmı sapary kezinde Kýbadaǵy AQSh elshiliginiń ǵımaratynda AQSh jalaýy kóteriletindigi aıtylǵan edi. Vashıngtonnan habarlaǵandaı, Kerrıdiń Gavanaǵa sapary 14 tamyzǵa josparlanyp otyr.

Eki el arasyndaǵy baılanys 1960 jyldyń basynda AQSh-tyń Kýbamen dıplomatııalyq qatynasyn úzip, aradaǵy saýdaǵa embargo engizgen kezinen toqtaǵan. 1977 jyldan bastap AQSh pen Kýbada «Múddeler mıssııasy» atalatyn dıplomatııalyq mıssııa áreket etti. Alaıda onyń dıplomatııalyq mártebesi bolǵan joq.

2014 jyldyń sońynda AQSh pen Kýbanyń dıplomatııalyq baılanysy jandana bastady.

Sáýirde AQSh prezıdenti Kýbany terrorızmdi demeýshi memleket tiziminen alyp tastaý sheshim qabylady.

Keıinnen Kýba memlekettik keńesiniń basshysy Raýl Kastro elder arasyndaǵy qalypty ózara qatynastardy qaıta jandandyrý úshin prezıdent Djon Kennedı 1960 jyly engizgen embargony tolyqtaı joıý qajet dep málimdedi.