Vashıngtonda qazaqtar men amerıkalyqtar manty ázirledi (VIDEO)

ASTANA. QazAqparat - AQSh-taǵy Qazaqstan elshiliginde qazaq as mázirindegi taǵam ázirleýden sheberlik synyby ótkizildi.

«Qazaqstandyq dostar elshi Qaırat Omarovqa jáne Kolýmbııa okrýgindegi Vashıngtondaǵy elshilik qyzmetkerlerine qosylyp qazaq as mázirinen taǵam ázirledi. Qonaqtar aspazdyń japqyshyn asynyp dástúrli taǵamdy óz qoldarymen ázirleý úshin qazaq shef aspazynyń nusqaýlaryn oryndady», - dep jazylǵan Qazaqstan dıplomatııalyq ókildiginiń Youtube akkaýntynda jarııa etilgen vıdeoǵa qosylyp berilgen jazbada.

Eske sala ketsek, Qazaqstan men AQSh eki el arasyndaǵy dıplomatııalyq qarym-qatynas ornaǵanynyń 25 jyldyǵyn atap ótýde. Buǵan deıin Qazaqstandaǵy AQSh elshiligi «Amerıkalyqqa qazaqsha et usyn - #beshintheusa» degen atsııa ótkizgen bolatyn.