Vashıngtonda Qazaqstan men AQSh arasyndaǵy jyl saıynǵy dástúrli keńes ótip jatyr

dep habarlaıdy QazAqparat.

Syrtqy ister mınıstrliginiń resmı ókili Asqar Ábdirahmanovtyń aıtýynsha, onda elimizdiń kóptegen memlekettik organdarynyń basshylarynan qurylǵan qazaqstandyq delegatsııany Syrtqy ister vıtse-mınıstri Qaırat Omarov basqarady. Al AQSh tarapyn osy eldiń Memlekettik hatshysynyń kómekshisi Robert Bleık jetekshilik etedi. «Jıynnyń kún tártibinde Vashıngtonda ótetin ıadrolyq qaýipsizdik jónindegi jahandyq sammıt pen Eýropadaǵy qaýipsizdik jáne yntymaqtastyq sammıtine daıyndyq retindegi Qazaqstan men AQSh arasyndaǵy strategııalyq áriptestiktiń ózekti máseleleri, Aýǵanstandy áskerı-saıası turǵydan turaqtandyryp, osy eldiń áleýeti men ekonomıkasyn qalpyna keltirý, saıası jáne ekonomıkalyq baǵyttaǵy yntymaqtastyqtyń bolashaǵy men halyqaralyq qaýipsizdik jáne adam ólshemderi sııaqty keń aýqymdy máseleler bar. Jıyn barysynda qazaqstandyq delegatsııanyń AQSh-tyń isker toptary men úkimettik uıym ókilderimen kezdesýleri josparlanǵan», dedi resmı ókil.