Qazaqstan men Germanııa SІM basshylary telefon arqyly sóılesti

ASTANA. KAZINFORM — Nemis tarapynyń bastamasymen Qazaqstan Respýblıkasynyń Syrtqy ister mınıstri Ermek Kósherbaev Germanııa Federatıvtik Respýblıkasynyń Federaldyq syrtqy ister mınıstri Iohann Vadefýlmen telefon arqyly sóılesti. Bul týraly SІM málim etti.

Suhbat barysynda taraptar ekijaqty seriktestik máseleleri boıynsha pikir almasyp, ózara qurmet, senim men syndarly dıalogqa negizdelgen qazaq-german qatynastaryn odan ári damytýdyń mańyzdylyǵyn atap ótti.

Sondaı-aq mınıstrler saıası dıalogty odan ári keńeıtýge, turaqty baılanystardy qoldaýǵa jáne vedomstvoaralyq ózara is-qımyldy jandandyrýǵa múddeliligin rastady.

Suhbat sońynda syrtqy saıası vedomstvolardyń basshylary Astana men Berlınniń ekijaqty jáne kópjaqty formattaǵy yntymaqtastyǵyn nyǵaıtýǵa járdemdesýge kelisti.

Buǵan deıin ​Qazaqstan Syrtqy ister mınıstri Qatar SІM basshysyna kóńil aıtý jedelhatyn joldaǵan bolatyn.