Vashıngtonda karantın 8 maýsymǵa deıin uzartyldy
VAShINGTON. QazAqparat – Kolýmbııa óńiriniń meri Mıýrıel Baýzer «úı karantıni» rejimin 8 maýsymǵa deıin uzartyp, jańa qaýipti koronavırýstyń taralýyn toqtatý úshin aımaqqa kóbirek ýaqyt kerek ekenin málimdedi, dep habarlaıdy QazAqparat nbcwashington.com resýrsyna silteme jasap.
Buǵan deıin bul ereje 15 mamyrdan keıin joıylady dep boljanǵan.
«Rejimdi asyǵys alyp tastaý qaıǵyly jaǵdaıǵa ákelýi múmkin. Biz ekonomıkamyzdy qalpyna keltirýge tyrysyp jatyrmyz...Biraq vırýs ekinshi ret keń tarap ketse, odan da qıyn jaǵdaı bolatynyn túsinip otyrmyz», - dedi Baýzer.
Onyń aıtýynsha, qala qabyldanǵan erejelerdi kezeń-kezeńimen alýdy sheshse, úı karantıni rejimin kez kelgen ýaqytta qaıta qaraýǵa bolady.
Jergilikti bıliktiń statıstıkasy boıynsha, Kolýmbııa aımaǵyna qarasty Vashıngtonda jalpy COVID-19 juqtyrǵan 6584 adam tirkelip, onyń 350-i qaıtys bolǵan.
