Vashıngtonda ekologııalyq taza kólikterdiń kórmesi ótip jatyr
ASTANA. QazAqparat - AQSh astanasynda jyl saıyn kólik kórmesin ótkizý jaqsy dástúrge aınalǵan. Áıgili Detroıt pen Nıý-Iork kórmelerinen kem túspeıtin alańnan Toyota, Lexus, Mercedez, Volkswagen jáne taǵy basqa brendterdiń kez kelgen ónimin tabýǵa bolady.
Munda álemdik 42 kompanııanyń jıyny 700-ge jýyq kóligi jaıǵasqan, dep habarlaıdy khabar.kz.
Kórmedegi bıylǵy jańalyq, ekologııalyq taza, jasyl tehnologııa ónimderin jarnamalaýǵa oıysqan. Mysaly, BMW avto kóliginiń 8 úlgisindegi modeli sol sanattaǵylardyń qatarynda. Kólik saýyty kómirtalshyqtarynan jasalǵan. Nátıjesinde salmaq azaıyp, janarmaı shyǵyny kemigen. Quny 140 myń AQSh dollaryn alqymdaıdy. Sala mamandary búginde halyq talǵamy ekologııalyq taza kólik túrlerine qaraı aýyp bara jatqanyn aıtady. Biraq ondaı ónimderdiń ózindik quny da ázirge arzan bolmasy anyq. Avtoshoý apta sońyna deıin jalǵasady.
