Vashıngtonda 1962 jyldan bergi alǵashqy tramvaı jelisi ashylady
ASTANA. QazAqparat - Osy senbide AQSh astanasy - Vashıngtonda 1962 jyldan beri bolmaǵan tramvaı qaıta oralady, dep habarlady Bı-bı-sı.
Alǵashqy kezde ony tegin paıdalanýǵa bolady.
3,9 shaqyrymdyq jelini on jyldyń ishinde iske qosý josparlanǵan bolatyn. Joba birneshe ret qaıta qaraldy jáne ózgerdi.
AQSh-ta tramvaı qatynasyn qaıta túletý qolǵa alyndy. Sońǵy bes jylda tramvaılar Atlanta kóshelerinde jáne Soltústik Karolınanyń Sharlotta qalasynda paıda boldy. Nıý-Iorkte 26 shaqyrymdyq tramvaı jelisin iske qosý josparlanýda.
Vashıngton mańyndaǵy Arlıngstonda ǵana bul másele iske aspaı qaldy, munda birden eki joba alynyp tastaldy. Qala turǵyndary olardyń joǵary baǵasyna qarsylyqtaryn bildirdi.
Ótken jyly tramvaımen 50,84 mln. júris jasaldy - jyl ishindegi ósim 3,4%-ǵa jetti, dep habarlady federaldyq kólik departamenti.
