Vashıngton týrnıri: Rybakına men Pýtıntsevanyń qarsylastary kimder
ASTANA. KAZINFORM — Vashıngton qalasynda (AQSh) 21-27 shilde aralyǵynda hard tósenishinde ótetin WTA 500 týrnıriniń jerebesi tartyldy.
Qazaqstannyń birinshi, álemniń 13-inshi, osy jarystyń 3-raketkasy Elena Rybakına dodany ekinshi aınalymnan bastaıdy.
Qazaqstandyq tennısshi álemniń 42-raketkasy, reseılik Anastasııa Potapova nemese reıtıngide 86-oryndaǵy kanadalyq Vıktorııa Mbokonyń qaı jeńgenimen kezdesedi.
Taǵy bir qazaqstandyq, álemniń 43-raketkasy ıÝlııa Pýtıntseva alǵashqy aınalymda «Úlken dýlyǵa» týrnırleriniń bes dúrkin chempıony, qazirgi kezde reıtıngide 49-satydaǵy japonııalyq Naomı Osakamen sheberlik baıqasady.
Erler arasynda álemniń 216-raketkasy Beıbit Juqaev búgin Vashıngtonda irikteý saıysynyń fınalynda reıtıngide 324-oryndaǵy ıtalııalyq Andrea Vavassorıpen kortqa shyǵady. Beıbit ıtalııalyq tennısshini utsa, negizgi jarysta baq synaıdy.
Eske sala keteıik, budan buryn Vashıngton týrnırinde Beıbit Juqaevtyń irikteý saıysynyń fınalyna shyqqanyn jazǵan edik.
