Vashıngton týrnıri: Beıbit Juqaev irikteý saıysynyń fınalyna shyqty

ASTANA. KAZINFORM — Qazaqstandyq, álemniń 216-raketkasy Beıbit Juqaev Vashıngton (AQSh) ATP 500 týrnıriniń irikteý saıysyn sátti bastady.

Qazaqstandyq tennısshi bıyl alǵash ret Ýımbldon jarysynda óner kórsetip, sonyń nátıjesinde ATP reıtıngisinde 247-den 216-satyǵa kóterilgen edi.

Bul joly Vashıngtonda irikteý saıysynyń jartylaı fınalynda álemniń 164-raketkasy, amerıkalyq Djeıms Makkeıbpen oınady.

Birinshi partııada taı-breıkte kort ıesi tabandylyq tanytty – 7:6 (7:3).

Budan keıin Beıbit kambek jasaı bildi – 6:2, 6:2.

Eki saǵat 15 mınýtqa sozylǵan tartysty básekede Juqaev 21 eıs jasap, 7 breık-poınttyń tórteýin múlt jibergen joq. Makkeıb 16 eıspen kózge tústi.

Beıbit Juqaev irikteý saıysynyń fınalynda álemniń 324-raketkasy, ıtalııalyq Andrea Vavassorı nemese reıtıngide 379-satydaǵy taǵy bir amerıkalyq Alfredo Perestiń qaı jeńgenimen kezdesedi. Sońǵy básekede qarsylasyn utsa, negizgi jarysqa joldama alady.

Osylaısha, qazaqstandyq tennısshi AQSh-taǵy dodalar serııasyn sátti bastady.

Eske sala keteıik, budan buryn Beıbit Juqaevtyń Ýımbldon tórinde óner kórsetkenine qýanyshty ekendigi jóninde aıtqanyn jazǵan edik.