Vashıngton soty Trampty sheteldik kómekti qalpyna keltirýge mindettedi

ASTANA. KAZINFORM – Donald Tramptyń AQSh-tyń sheteldik baǵdarlamalaryn 90 kúnge toqtatýdy kózdeıtin jarlyǵynyń kúshin joıý týraly sot sheshimi shyqty, dep habarlaıdy Kazinform DW-ge silteme jasap.

Vashıngtonnyń okrýgtik soty AQSh prezıdenti Donald Tramptyń ákimshiligin 90 kúnge syrtqy kómek baǵdarlamalaryn toqtata turatyn buıryqtyń kúshin joıýǵa jáne mundaı baǵdarlamalardy qaıta qolǵa alýǵa mindettedi. Bul týraly 13 aqpan kúni Associated Press (AP) habarlady. Osylaısha, bul Amerıka Qurama Shtattarynyń halyqaralyq damý agenttigin (USAID) qarjylandyrýdy toqtatýǵa qatysty birinshi úkim.

Federaldy sýdıa Amır Álı sheteldegi «kenetten jabylyp qalǵan uıymdarǵa orasan zııan keltirilgenin» negizge ala otyryp, USAID-ten qarjy alatyn eki halyqaralyq uıym - JITS-ke qarsy vaktsınadan qorǵaý koalıtsııasy jáne Jahandyq densaýlyq saqtaý keńesi bergen talap boıynsha ýaqytsha buıryq shyǵardy.

Aıta keteıik, buǵan deıin Tramp ákimshiliginiń ókilderi mundaı qarjylandyrý baǵdarlamalaryn muqııat zerdelep shyǵý úshin toqtata turyp, sodan keıin ony jalǵastyrý kerek-kereksizdigin sheshý qajet dep málimdegen.

Osyǵan deıin Tramptyń Reuters agenttiginen úkimetten alǵan 9 mln dollar qaryzyn qaıtarýdy talap etkeni týraly jazdyq.