Vashıngton Sırııaǵa ásker kirgizý múmkindigin joqqa shyǵarmaıdy
ASTANA. 1 maýsym. QazAqparat - Eger Kofı Annannyń jospary Sırııada 14 aıǵa sozylǵan janjaldy toqtata almasa, álem elderi ózge joldy tańdaýy múmkin.
Muny Birikken Ulttar Uıymyndaǵy AQSh-tyń turaqty ókili Sıýzan Raıs eskertti. Al, osy Uıymdaǵy Reseı Elshisi Vıtalıı Chýrkınniń pikirinshe, Sırııadaǵy ahýaldy apatty jaǵdaıǵa jetkizbeý úshin Annannyń josparyn qaıtse de júzege asyrýǵa kúsh salý kerek. Resmı Máskeýdiń málimdeýinshe, Arab elindegi turaqsyzdyqtyń boıaýyn sonsha qoıýlatyp kórsetýdiń qajeti joq.
Bul týraly Qazaqstan ulttyq arnasy habarlaıdy.
Sırııada Birikken Ulttar Uıymy men Arab Lıgasynyń arnaıy ókili Kofı Annannyń jospary sáýirdiń 12-de kúshine endi. Biraq, sodan beri qantógis birjola toqtaǵan joq. Al, kóterilisshiler men Prezıdent Bashar Asad armııasy arasyndaǵy qaqtyǵystardan júzdegen adam mert boldy. AQSh-tyń Birikken Ulttar Uıymyndaǵy Elshisi Sıýzan Raıstyń aıtýynsha, buǵan tosqaýyl qoıylmasa, janjal órti aımaqtyń ózge elderin de sharpýy múmkin.
