Vashıngton shtatynda jer qabaty kóshkininiń qurbandary segizge jetti
ASTANA. QazAqparat - AQSh-tyń Vashıngton shtatynda jer qabaty kóshkininiń saldarynan qaza bolǵandardyń sany segizge jetti. Bul týraly shtat bıligi habarlady, dep jazady RBK.
Qazirgi kezde 18 adam iz-tússiz joǵalǵandar sanatynda, al taǵy 8-i zardap shegip, onyń ekeýi aýyr halde jatyr. Apat oryn alǵan Snohomısh okrýginde tótenshe jaǵdaı jarııalandy.
Qutqarýshylardyń sózine qaraǵanda, adamdar laı men tastardan quralǵan 5 metrlik qalyń qabattyń astynda qalyp qoıǵan. Sondyqtan qalyń batpaqtyń ústinde qutqarý jumystaryn júrgizý qıynǵa túsip otyr.
Sonymen qatar tótenshe oqıǵa oryn alǵan jerdegi jol jabylyp, ondaǵy kólik qozǵalysyn jandandyrý merzimi áli de belgisiz.
Jergilikti bıliktiń habarlaýynsha, jer qabatynyń kóshkinine sońǵy aıdaǵy mol jaýyn-shashyn áser etti. Osy oraıda óńirdegiń qaýipti jerlerdiń turǵyndaryna kópirlerdiń mańyna jaqyndamaý jaıynda eskertý jasalyp, ýaqytsha panalaıtyn oryndar jasaqtalýda.
