Vashıngton shtatynda saýda ortalyǵynda bolǵan atystan 4 adam qaza tapty
ASTANA. QazAqparat - Vashıngton shtatynda saýda úıiniń janynda atys saldarynan 4 adam qaza tapty, dep habarlady shtat polıtsııasyna silteme jasap ABC News telearnasy.
Budan buryn eki jaralanǵan adamnyń bar ekeni habarlanǵan. Kýágerlerge silteme jasaǵan Komo News telearnasynyń derekterine sáıkes qarýly adam Berlıngton qalasyndaǵy Cascade Mall saýda úıine kirip, oq jaýdyra bastaǵan. Berlıngton Stetl qalasynan soltústikke qaraı 100 shaqyrymda ornalasqan.
«4 adamnyń qaza tapqany rastaldy. Shabýyl jasaǵan azamat nemese azamatsha polıtsııa kelgenshe izin sýytyp úlgerdi. Olardyń sany belgisiz, bireý bolýy da yqtımal», - dep telearna Twitter-ge jarııalanǵan polıtsııa ókiliniń habarlamasyn keltirdi.
