Vashıngton shtatynda marıhýana qosylǵan taǵamdar satyla bastady
ASTANA. QazAqparat - Osy demalys kúnderi Vashıngton shtatynda amerıkandyq «Magical Butter» kompanııasy quramynda marıhýana qosylǵan taǵamdardy sata bastady, dep habarlaıdy «Los Angeles Times» gazeti.
Ázirge bul taǵamdar tek demalys kúnderi tańǵy saǵat 11-den keshki 19-ǵa deıingi ýaqyt aralyǵynda medıtsınalyq maqsattarda kannabısti paıdalaný kórsetilgen tutynýshylarǵa ǵana satylady. Taǵamdar mázirinde salattar, popkorn men sendvıchter bar.
Magical Butter kompanııasynyń atqarýshy dırektory Garın Endjel ár taǵamnyń quramynda shamamen 100 mıllıgramm marıhýana bar ekenin aıtty. Іshinde esirtkilik qospasy bar ónimderdi kompanııanyń qajetti qujattary men lıtsenzııalary bar avtobýstarynan orta eseppen 25 dollarǵa satyp alýǵa bolady.
Aıta keteıik, bıylǵy naýryz aıynda Vashıngton shtatynyń qalalyq keńesi marıhýananyń azdaǵan bóligin saqtaýdy qylmysqa jatqyzbaıtyn zań jobasynyń qabyldanýyna daýys bergen bolatyn.
