Vashıngton metrosynda qýatty jarylys boldy
ASTANA. QazAqparat - Vashıngton metrosynyń Rosslın stansasynda qýatty jarylys boldy. Bul týraly habar BreakingNLive týıtter-akkaýntynda jarııalandy.
Kýágerlerdiń aıtýynsha, jarylys óte qýatty bolǵan. Arnaıy qyzmetter jaqyn mańdaǵy kóshelerdi jaýyp tastady. «Avtobýs júrgizýshisiniń aıtýynsha, bul transformator bolýy kerek», - deıdi kýágerlerdiń biri.
News Flash portalynyń habarlaýynsha, transformatordyń jarylǵanyn polıtseıler de rastaǵan.
Vashıngton metropolıteni qyzmetkerleriniń sózine qaraǵanda, bul oqıǵa jerasty kóligine qatysty emes. Keleńsiz jaǵdaıdyń egjeı-tegjeıi tekserilip jatyr.
Ázirge zardap shekkender týraly aqparat joq.
Foto: mtwitter.com/intlbreaking
