Vashıngton mańynda myńdaǵan turǵyn jaryqsyz qaldy
Oqıǵaǵa jerasty kabeliniń qosylýyndaǵy irkilisten transformatordyń isten shyǵýy sebep boldy. Saldarynan Krıstal-Sıtı, Pentagon-Sıtı, Avrora-Haılends jáne Arlıngton-Rıdj aýdandarynyń 10 myńnan astam turǵyny, sonyń ishinde Vırdjınııa shtaty Arlıngton qalasyndaǵy Okrıdj bastaýysh mektebi elektr qýatynsyz qaldy.
Apat týraly alǵashqy habarlama 22 tamyzda jergilikti ýaqyt boıynsha saǵat 11:00 shamasynda túsken.
Amerıkalyq «Dominion Energy» energetıkalyq kompanııasynyń bir qyzmetkerin kúıik shaldy. Qazirgi ýaqytta ol dárigerlerdiń baqylaýynda.
Arlıngton okrýginiń órt sóndirý bólimi elektr qýatynyń kenetten úzilýinen lıftterde turyp qalǵan turǵyndar týraly kóptegen qońyraýlarǵa jaýap berdi.
Zardap shekken aýdandarda Nordstrom, Macy's, Fashion Center at Pentagon City iri saýda ortalyqtary, Costco ózine-ózi qyzmet kórsetý qoımalar jelisi, Harris Teeter, Walgreens azyq-túlik dúkenderi, meıramhanalar men dámhanalar jabyldy. Ronald Reıgan atyndaǵy Vashıngton ulttyq áýejaıy qolaısyzdyqty bastan ótkerdi. Arlıngton saıabaqtary departamenti Long Bridge saýyqtyrý ortalyǵy men Gunston qoǵamdyq ortalyǵyn japty.
Elektr jelisindegi apat saldary keshki saǵat 17:15-te ishinara joıyldy, Dominion Energy kompanııasynyń 10 250-den astam abonentinde elektrmen jabdyqtaý qalpyna keltirildi, taǵy 1229 klıentti elektr qýatyna qosý boıynsha qalpyna keltirý jumystary jalǵasty.
Rústem Qojybaev
