Vashıngton qarý alyp júrýge tyıym salýdy konstıtýtsııaǵa qaıshy dep tanydy
ASTANA. QazAqparat - Vashıngtonda qoǵamdyq oryndarda atys qarýyn alyp júrýge tyıym salatyn zańdy Konstıtýtsııaǵa qaıshy dep tapty. Bul týraly The Washington Times gazeti jazdy. Basylymnyń málimetinshe, mundaı sheshimdi federaldyq sýdıa Frederık Skallın qabyldaǵan.
Aıta keteıik, osydan bes jyl buryn bir top qarý ıeleri birlesip, Kolýmbııa okrýginiń atys qarýyn tek úı men jumysta ǵana saqtaý qajet degen zańnamasyna qarsy shaǵym túsirgen. Olardyń pikirinshe, bul zańnama amerıkalyq konstıtýtsııanyń ekinshi túzetilimine qaıshy keledi.
Vashıngton basshylyǵynyń bul sheshimdi apellıatsııaǵa berýge quqyǵy bar. Bas prokýratýranyń baspasóz hatshysynyń málimdemesinshe, qazirgi ýaqytta sot sheshimi zerttelýde.
