Vashıngton Baǵdadqa lańkestikpen kúreske qarýdyń iri partııasyn jetkizdi
ASTANA. QazAqparat - AQSh Irak úkimetine lańkestikpen kúreske arnalǵan qarýdyń iri partııasyn jetkizdi, dep habarlady ITAR-TASS AQSh-tyń Iraktaǵy elshiligine silteme jasap.
Olardyń arasynda júzdegen «áýe-jer» klasyndaǵy ózdiginen baǵyttalatyn AGM-114 Hellfire zymyrandary, úlken kólemde M4 shabýyldaý vıntovkalary jáne birneshe júzdegen myń oq-dári jıyntyǵy bar.
«Iraktyń qaýipsizdik kúshteriniń zamanaýı jáne tıimdi qarýmen jaraqtandyrylýynyń mańyzy úlken, óıtkeni olar «Irak jáne Levanta ıslam memleketi» toby Irakqa jáne búkil aımaqqa tóndirip otyrǵan eleýli qaýippen betpe-bet kelýde», - delingen dıplomatııalyq ókildiktyń málimdemesinde.
Irak áskerı qarýly kúshteri qańtardyń ortasynan bastap 11 mln.-nan astam patrondar, myńdaǵan pýlemetter, mergender vıntovkalaryn, avtomattar men granattar aldy.
AQSh-tan keıingi ekinshi orynda respýblıkaǵa mańyzdy qarý jetkizýshi - Reseı. Sondaı-aq Baǵdad Qytaımen de birqatar kelisim-sharttarǵa qol qoıdy.
Anbar provıntsııasynda ótken jyldyń 21 jeltoqsanynda bastalǵan lańkestikke qarsy operatsııa ókimet oryndarynan zor resýrstardy talap etti. Úkimettik kúshter provıntsııanyń eldi mekenderiniń basym bóligine óz baqylaýyn ornatty, alaıda lańkester burynǵysha iri qalalar - Ramadı men El-Fallýdjede belsendi soǵys qımyldaryn júrgizýde.
