Vashıngton AQSh Memlekettik hatshysynyń Saýd Arabııasyna saparyn rastady

VAShINGTON. KAZINFORM — AQSh Memlekettik hatshysy Marko Rýbıo 10-12 naýryzda Saýd Arabııasynyń Jıdda qalasynda bolyp, onda ýkraındyq delegatsııamen kezdesip, qaqtyǵysty beıbit jolmen sheshý jolyn talqylaıdy. Bul týraly Memlekettik departamenttiń baspasóz qyzmeti basshysy Temmı Brıýs málimdedi, dep jazady TASS.

— Djıddada ol Saýd Arabııasynyń murager hanzadasy Muhammed ben Salman Ál Saýdpen de kezdesip, aımaqtaǵy ortaq múddelerdi ilgeriletý jáne amerıkandyq-saýdııalyq qarym-qatynastardy nyǵaıtý joldaryn talqylaıdy, — dep málimdedi dıplomat.

Rýbıo 12-14 naýryzda Kanadada ótetin G7 syrtqy ister mınıstrleriniń kezdesýine de qatysady.

— Ol «Taıaý Shyǵys pen Eýropadaǵy qaqtyǵystardy, Afrıka men Úndi-Tynyq muhıty aımaǵyndaǵy yntymaqtastyqty jáne Batys jarty shardaǵy turaqtylyqty» talqylaýǵa nıetti, — dep túıindedi Brıýs.

Aıta keteıik, Tramptyń arnaıy ókili Ýkraınadaǵy soǵysty 24 saǵatta toqtatý jóninde pikir bildirdi.