Varshavany sý basýda
ASTANA. Maýsymnyń 4-i. QazAqparat - Polsha elordasy -Varshavany sý basýda, dep habarlaıdy RBK agenttigi.
Tolassyz jaýǵan nóserdiń saldarynan qalanyń kárizdik júıesi mol sýdy ıgere almaı otyr. Kelip túsken sońǵy aqparattar boıynsha, kóptegen kóshelerdi sý basyp qalǵan, jerasty ótkelderi men metro stansalary da sýdyń astynda qalyp otyr. Onymen qoımaı, Varshavanyń bir bóligi jaryqsyz qaldy. Qoǵamdyq kóliktiń jumysy da toqyrap tur. Polshada 7 saǵattan astam ýaqyt qatty jel turýda.
Kommýnaldyq qyzmetter tabıǵattyń tosyn minezine qarsy tura almaı otyr. Sınoptıkterdiń boljamynsha, jaqyn arada nóser basylmaıdy.
Esterińizge sala keteıik, sońǵy birneshe apta boıy Polsha sońǵy jyldardaǵy eń kúshti sý tasqynymen arpalysyp keledi. Jaısyz aýa raıynyń saldarynan 22 adam qaza tapty. Túrǵyn úıler men mekemeler, egin alqaptary sýdyń astynda qaldy.
