Varshavadan Pragaǵa baǵyt alǵan ushaq kapıtany áýede qaıtys boldy
ASTANA. 16 aqpan. QazAqparat - Varshavadan Pragaǵa ushý kezinde Czech Airlines ("Chehııa áýe joldary") kompanııasynyń ushaq kapıtany qaıtys boldy.
RBK-nyń habarlaýynsha, ekıpaj dıspetcherlerge ushqyshtyń aıaq astynan júregi qysyp, jaǵdaıy nasharlaǵandyǵyn aıtqan. Áýe kemesin basqarýdy ekinshi ushqysh ózine alyp, keıin onyń áýejaıǵa qonýyn júzege asyrdy.
Praga áýejaıynda bortty jedel-járdem kútip aldy, alaıda dárigerlerge onyń kóz jumǵandyǵyn rastaý ǵana qalǵan bolatyn, dep habarlandy Reuters agenttigi.
Osyndaı jaǵdaı 2 jyl buryn oryn alǵan bolatyn. Fılıppın astanasy Manıla qalasynan Dohaǵa ushyp bara jatqan Qatar Airways áýe kompanııasynyń ekıpaj kapıtany áýede kóz jumdy.
