Varshavadaǵy týrnır: Súleımenov Qazaqstanǵa alǵashqy «altyn» alyp keldi
ASTANA. QazAqparat - Varshavada (Polsha) Felıks Shtamm-2018 boks týrnıriniń fınaldyq kezdesýleri ótip jatyr, dep habarlaıdy Sports.kz.
56 kelige deıingi salmaq dárejesinde fınalǵa shyqqan otandasymyz Іlııas Súleımenov ıordanııalyq boksshy Mohammed Alvadıdi jeńip, qorjynǵa alǵashqy altyn medal saldy.
Esterińizge sala keteıik, fınalǵa jetý jolynda Іlııas Súleımenov reseılik Bahtovar Nazırov pen AQSh boksshysy, 2017 jylǵy álem chempıonatynyń fınalyna shyqqan sportshy Dıýk Ragannan basym tústi.
Búgin bas júldege taǵy bes qazaq boksshysy talasady. Olar: Bekdáýlet Ibragımov (64 keli), Aslanbek Shymbergenov (69 keli), Abaı Tólesh (75 keli), Ádilbek Nııazymbetov (81 keli) jáne Anton Pınchýk (91 keli).
