Varshavada joǵalǵan Qazaqstan azamatynyń máıiti tabyldy

ASTANA. KAZINFORM — Qazaqstan Respýblıkasy Syrtqy ister mınıstrligi Polsha aýmaǵynda Qazaqstan azamaty Ekaterına Shılovanyń qaza bolǵany týraly aqparatty rastady. 

Bul másele mınıstrliktiń baqylaýynda.

— Qazaqstan Respýblıkasynyń Polshadaǵy elshiligi qaza tapqan azamattyń jaqyndarymen, sondaı-aq Polsha jaǵynyń quzyretti organdarymen baılanysta. Barlyq konsýldyq-quqyqtyq másele boıynsha, sonyń ishinde Ekaterına Shılovanyń denesin elge qaıtarý boıynsha qajetti kómek kórsetilip jatyr. Bul másele mınıstrliktiń baqylaýynda, — delingen SІM resmı jaýabynda.

Ekaterına Shılova Varshavadan Astanaǵa ushyp shyǵýy tıis edi, alaıda belgisiz sebeptermen ushaqqa otyrmaǵan. Sodan beri jaqyndary onymen baılanysqa shyǵa almaı, dabyl qaqqan bolatyn.

Aıta keteıik, Syrtqy ister mınıstrligi buǵan deıin bul isti baqylaýyna alǵan edi.