Varshavada «Táýelsiz sot júıesin nyǵaıtý jáne qoǵamnyń ádil sotqa qol jetimdiligi» atty semınar ótedi
amyrdyń 17-si. QazAqparat /Ernur Aqanbaı/ - Mamyrdyń 17-19-i kúnderi Varshavada «Táýelsiz sot júıesin nyǵaıtý jáne qoǵamnyń ádil sotqa qol jetimdiligi» degen taqyrypta EQYU-nyń gýmanıtarlyq ólshem jónindegi semınary ótedi. Bul týraly búgin Astanadaǵy aptalyq brıfıngte QR Syrtqy ister mınıstrliginiń resmı ókili Asqar Ábdirahmanov málim etti,
dep habarlaıdy QazAqparat.
Onyń aıtýynsha, sharaǵa EQYU-ǵa múshe 56 memleketten resmı delegatsııalardyń, halyqaralyq jáne úkimettik emes uıymdardyń, buqaralyq aqparat quraldarynyń ókilderi qatysatyn bolady. Qazaqstannyń resmı delegatsııasynyń quramyna QR Syrtqy ister mınıstrliginiń, QR Joǵarǵy sotynyń jáne QR Bas prokýratýrasynyń ókilderi enip otyr. «Shara ótetin úsh kúnniń ishinde sot ákimshiligi, sýdıalardy saılaý jáne olardyń jaýapkershiligi, sondaı-aq azamattardyń ádil sotqa teńdeı qol jetimdiligin qamtamasyz etý jónindegi máseleler talqylanatyn bolady», dedi resmı ókil.
