Varshavada «Semeı ıadrolyq polıgony týraly aıtylmaı qalǵan oqıǵalar» degen fotokórme ashyldy
ASTANA. 8 jeltoqsan. QazAqparat - Qazaqstannyń Polshadaǵy elshiliginiń bastamasy boıynsha jeltoqsan aıynyń basynda Varshava polıtehnıkalyq ýnıversıtetiniń bas sáýlet-tarıhı kesheniniń ortalyq zalynda «Semeı ıadrolyq polıgony týraly aıtylmaı qalǵan oqıǵalar» degen fotokórme ashyldy, dep habarlady elshiliktiń baspasóz qyzmetinen.
Qazaqstan men Japonııa birlesip uıymdastyrǵan bul kórme alǵash ret 2009 jyly tamyz aıynda Nıý-Iorktegi BUU Bas Assambleıasynyń ǵımaratynda úlken tabyspen ótken bolatyn.
Kórmege qoıylǵan fotosýretter polıgondaǵy ıadrolyq jarylystardyń hronologııasyn ǵana emes, «qyrǵıqabaq soǵys» kezeńindegi ıadrolyq synaqtardyń zulmat saldarlary, «Nevada-Semeı» antııadrolyq qozǵalysynyń alǵashqy qadamdary, Qazaqstannyń jahandyq bastamalary, Semeı polıgonynyń jabylýy týraly baıandaıdy.
1949-1989 jyldar aralyǵynda Semeı polıgonynda jalpy qýaty Hırosımaǵa laqtyrylǵan atom bombasynan 2,5 myń esege artyq 468 ıadrolyq jarylys jasalǵan. Radıatsııalyq sáýlege shaldyqqan qazaqstandyqtardyń sany 1 mıllıon adamnan asady. Semeı polıgonynyń tóńiregindegi ekologııalyq apat aýmaǵy 300 myń sharshy metrden astam jerdi alyp jatyr. Qazaqstannyń osynshalyqty aýmaǵy ıadrolyq jarylystardan zardap shekken ýlanǵan jazyqqa aınalyp otyr. Ǵalymdardyń esepteýinshe, bul aýmaqtyń radıatsııadan tazarýyna 300 jyl ýaqyt kerek. ıAdrolyq synaqtardyń barlyq saldaryn bastan keshirgen Qazaqstan mine sondyqtan da ıadrolyq arsenalynan óz erkimen bas tartqan el.
