Varshavada polshalyq pen reseılik jankúıerler tóbelesti
ASTANA. 13 maýsym. QazAqparat - Fýtbol fanattary Varshavada Polsha men Reseı komandalarynyń kezdesýi aldynda tóbelesti.
Agressıvti jankúıerlerdi tarqatý úshin polıtsııa sý shashqyshtardy qoldanyp, eskertý retinde aýaǵa tapanshadan oq atty. Bul týraly RIA Jańalyqtary habarlady.
Reseılik fanattardyń kolonnasy Vısla ústimen ótetin kópirde qorshaýǵa alyndy. Tártip saqshylary reseılikterge stadıonǵa kirýge tyıym saldy. Bul, arenanyń mańynda eki el jankúıerleri toptarynyń arasynda ara-tura tartystar bolyp turýymen baılanysty.
Keıbir málimetter boıynsha, alǵashqy zardap shegýshiler de boldy. Polıtsııanyń kólikterine bastary jarylǵan eki adam jetkizildi. Zardap shekkender qaı eldiń azamattary ekendigi belgisiz.
Bul rette, Vestı.Rý habarlaǵandaı, 11 maýsym kúni Varshavada reseılik jankúıerlerge shabýyl jasaldy. Targývek aýdanyndaǵy qonaqúıdiń mańynda reseılikterge polıak tilinde sóılegen 20 adam taıanyp, ura bastaǵan.
RBK-nyń málimetterinshe, Polsha polıtsııasy Varshavaǵa radıkaldy baǵyt ustanǵan jáne reseılik fanattarǵa qarsy shyqpaq nıettegi eki myńǵa jýyq polshalyq azamat bet alǵandyǵyn aldyn ala habarlady.
