Varshavada qazaqstandyq boksshy qarsylasyn birinshi raýndta sulatyp saldy
ASTANA. QazAqparat - Qazaqstandyq kásipqoı boksshy qarsylasyn birinshi raýndta sulatyp saldy, dep habarlaıdy QazAqparat tilshisi.
Bıyl ǵana kásipqoı boksqa aýysqan jerlesimiz Alı Baloevtiń bul ekinshi jekpe-jegi. Alǵashqy aıqasynda da jeńiske jetken bolatyn.
Bul joly ol Varshavada (Polsha) jergilikti boksshy Artýr Navrotskııdi (1-1-0), 1- raýndtyń alǵashy mınýttarynda nokdaýnǵa jiberdi. Ary qaraı tóreshi kezdesýdi jalǵastyrýdan bas tartty. Sebebi, Navrotskıı jerlesimizdiń aýyr soqqysynan eseńgirep qaldy.
Eki boksshy arasyndaǵy aıqas aýyr salmaqtaǵy (90,8 keli - 200 fýnt) 4 raýndqa josparlanǵan bolatyn.
Esterińizge sala keteıik, 23 jasar qazaqstandyq boksshy Alı Baloev, 18 aqpanda Rıgada (Latvııa), Olımpıada sport ortalyǵynda óziniń alǵashqy jekpe-jegin ótkizip, 4 raýndtyq kezdesýde, 32 jasar jergilikti boksshy Markes Kovalevskısti nokaýtpen utqan bolatyn.
Aıta keteıik, Alı Baloev Almatydaǵy «Abylaı han» zalynda belgili jattyqtyrýshy Saǵatbek Musahanovtyń qol astynda jattyǵady. Ǵalym Jarylǵapov atyndaǵy halyqaralyq týrnırdiń jeńimpazy.
