Varshavada Qazaqstan men Polsha syrtqy ister mınıstrleri bas qosty
Tyǵyz tarıhı baılanystarǵa jáne sońǵy ondaǵan jyldar boıy qalyptasqan tabysty yntymaqtastyqtyń tájirıbesine súıene otyryp, Qazaqstan men Polsha saıası, saýda-ekonomıkalyq jáne mádenı-gýmanıtarlyq salalardaǵy ózara is-qımyldy odan ári jan-jaqty nyǵaıtýǵa nıetti jáne ony júzege asyrý úshin áli de tolyq iske aspaı kele jatqan úlken áleýetti paıdalanbaq. Varshavada ótken Qazaqstan Respýblıkasynyń Syrtqy ister mınıstri Beıbit Atamqulov pen Polsha Respýblıkasynyń Syrtqy ister mınıstri ıAtsek Chapýtovıchtiń kelissózderi osyndaı qarqynmen ótti.
«Syndarly jáne jyly ótken kelissózder barysynda taraptar joǵary jáne asa joǵary deńgeıdegi saıası baılanystardyń oń serpinine qanaǵattanarlyq bildirdi. 2016-2017 jyldarda ótken eki eldiń prezıdentteri deńgeıindegi memlekettik saparlar, sondaı-aq Nursultan Nazarbaev pen Andjeı Dýdanyń 2018 jylǵy qańtarda Nıý-Iorkte BUU Qaýipsizdik Keńesiniń otyrysy sheńberinde kezdesýi sońǵy jyldardyń negizgi oqıǵalary boldy. Qarym-qatynastardy damytý boıynsha mınıstrler deńgeıinde saparlarmen almasýdy ótkizý, sondaı-aq syrtqy ister mınıstrlikteri arasynda ekijaqty saıası jáne konsýldyq konsýltatsııalardy ótkizý josparlandy. Kezdesý barysynda basym nazar saýda-ekonomıkalyq seriktestikke aýdaryldy. Nur-Sultannyń Varshavaǵa degen qyzyǵýshylyǵy túsinikti - 2018 jyly Polsha álemniń eń iri ekonomıkalary reıtınginde 22-shi orynǵa ıe boldy, al Eýropalyq Odaq aýqymynda bul el 7-shi oryn aldy» delingen habarlamada.
2018 jyly 1,2 mıllıard AQSh dollaryn quraǵan jáne osy jyldyń bastapqy aılarynda qarqyndy eki eselep ósip kele jatqan ekijaqty taýar aınalymy atap ótildi. Polıaktardyń Ortalyq Azııa elderimen taýar aınalymynyń 80 paıyzy Qazaqstanmen júgiziledi; tikeleı ınvestıtsııalary 230 mıllıon dollardan asatyn QR-da polıak kapıatalynyń qatysýymen 200-den asa kásiporyndar jumys jasaıdy. Aýyl sharýashylyǵy, mashına jasaý, tabıǵı resýrstardy birlesip óńdeý, áskerı-óndiris kesheni, týrızm, ozyq tehnologııalar, «Astana» Halyqaralyq qarjy ortalyǵy alańyndaǵy is-qımyldar yntymaqtastyqtyń perspektıvalyq baǵyttary retinde kórsetildi.
«Beldeý jáne Jol» bastamasyn iske asyrý turǵysynan Qazaqstan men Polshanyń Eýrazııalyq kontınenttiń Batysy men Shyǵysy arasyndaǵy magıstraldyq joldarda tıimdi ornalasqanyn eskere otyryp, turaqty ári básekege jaramdy kólik-logıstıkalyq jobalardy engizý boıynsha birlesken jumystardy jalǵastyrýdyń mańyzy atap ótildi. Azııadan Eýropaǵa tranzıttik júkterdi tasý úshin mańyzdy hab retinde qazirgi kezeńde jańartylǵan Gdansk aılaǵyn Baltyq teńizinde tıimdi paıdalaný basty baǵyttardyń biri retinde atalyp ótildi. Sonymen qatar, tranzıt-kóliktik yntymaqtastyǵy baǵytynda 2017 jylǵy mamyrdan bastap LOT Polish Airlines áýe kompanııasymen oryndalatyn Varshava men Nur-Sultan arasyndaǵy tikeleı áýe reısiniń, qazirgi kezde aptasyna tórt ret, oń mýltıplıkatıvtik áseri nazarǵa alyndy.
Investıtsııalyq yntymaqtastyqtyń tabysty jobasy retinde Polpharma polıak kompanııasy kórsetildi, ol Qazaqstan-Polsha birlesken kásiporyndary arasyndaǵy reıtingtiń basynda oryn alýda. Tıimdilikti arttyrý maqsatynda «Qazaqstan-Polsha» Іskerlik keńesin qurý jáne EAEO, EO, QHR jáne Ortalyq Azııa naryqtaryna shyǵarý áleýeti bar qazaqstandyq jáne polıak eksporttyq taýarlarynyń birlesken katalogyn jasaý týraly sheshim qabyldandy.
Sonymen qatar, B. Atamqulov Qazaqstan Úkimetiniń ulttyq ekonomıkany ártaraptandyrý sharalary jáne memlekettik syńaıly sektorlardy jekeshelendirý baǵdarlamalary týraly, sondaı-aq ınvestıtsııalardy tartý jáne shet elderge qazaqstandyq eksporttardy jyljytý boıynsha SІM-niń jańa baǵyttarymmen tanystyrdy.
Mádenı-gýmanıtarlyq baılanystarǵa mańyzdy nazar aýdaryldy. Elderimiz arasynda «jandy dostyq kópiri» sanalatyn 34-myńdyq polıak dıasporasy men Polshada bilim alatyn myńǵa jýyq qazaqstandyq stýdentterdiń áleýetin paıdalaný qajettiligi aıtyldy. Elbasynyń «Rýhanı jańǵyrý» baǵdarlamasynyń aıasynda eki eldiń kórkem ádebıet muralarynyń kórnekti týyndylaryn qazaq jáne polıak tilderine aýdarý jóninde usynystar jasaldy.
Halyqaralyq kún tártibi turǵysynan Qazaqstan men Polsha arasyndaǵy is-qımyldyń damýshy mańyzy atap ótildi.
«Qazaqstan-polıak qarym-qatynasy ózara qurmet pen bir-biriniń múddesin esepke alý negizinde qalyptasqan jáne kez kelgen úshinshi taraptyń múddesine qarsy baǵyttalmaǵan, Ortalyq Azııadan Ortalyq Eýropaǵa deıingi keńistikte geosaıası jáne geoekonomıkalyq sáýletti qurýdaǵy mańyzdy jalǵas bola alatyn ózindik kelbeti bar elder», - dep atap ótti qazaqstandyq mınıstr BAQ aldyndaǵy birleken baspasóz brıfınginde. Sondaı-aq B.Atamqulov 2018-2019 jyldary Polshanyń BUU Qaýipsizdik keńesindegi turaqsyz músheliginiń ekinshi jylynyń basymdylyqtaryn oń baǵalaı otyryp, Varshavanyń álemdik saıasattaǵy róline nazar aýdardy. Óz kezeginde, Polshanyń Syrtqy ister mınıstri 2017-2018 jyldary BUU Qaýipsizdik keńesiniń turaqsyz múshesi retinde Qazaqstannyń jahandyq jáne óńirlik qaýipsizdikti nyǵaıtýdaǵy tabystaryn atap ótti.
Sonymen qatar, Ortalyq Azııa boıynsha EO strategııasynyń jańartý turǵysynan «QR-EO» jáne «OA-EO» formattary yntymaqtastyǵynyń perspektıvalary boıynsha pikir almasty. Bilim salasyndaǵy yntymaqtastyqtyń úılestirýshileri retinde Polsha men Latvııa EO-nyń qazirgi Ortalyq Azııa boıynsha Strategııasynyń iske asýynda basty ról atqarady.
B. Atamqulov pen ıA. Chapýtovchıtiń baǵalaýy boıynsha, Varshavada ótken kelisssózder ekijaqty ózara is-qımyldardy damytýdaǵy mańyzdy is boldy, sonymen qatar baılanystardyń barlyq salalarynda tyń bastamalardy týdyrýǵa múmkindik berdi.
QR Syrtqy ister mınıstriniń jumys sapary eki eldegi ishki oqıǵalardyń mańyzdy jaǵdaıynda ótti. Qazaqstanda ú.j. 9 maýsymda prezıdentik saılaý ótedi, al Polshada - 26 mamyrda Eýropalyq Parlamentke jáne qazanda ulttyq parlamentke saılaýlar ótedi.
