Varshavada Qazaqstan men Polsha arasyndaǵy yntymaqtastyq máselesi talqylandy
Qazaqstan delegatsııasyn QR Syrtqy ister mınıstriniń orynbasary Marǵulan Baımuhan, Polsha tarapyn - Syrtqy ister mınıstriniń orynbasary Marchın Pshıdach basqardy.
Kelissózder barysynda taraptar ekijaqty formattaǵy jáne halyqaralyq uıymdar sheńberindegi Qazaqstan men Polsha arasyndaǵy qarym-qatynastardyń ahýaly jáne damý keleshegin talqylady. Saıası, saýda-ekonomıkalyq jáne mádenı-gýmanıtarlyq yntymaqtastyqty keńeıtýge, sondaı-aq óńiraralyq ózara is-qımyl múmkindikterine erekshe nazar aýdaryldy. Óńirlik jáne jahandyq kún tártibiniń aǵymdaǵy máselelerine qatysty jan-jaqty jáne tıimdi pikir almasty.
Delegatsııa basshylary «COVID-19» pandemııasynyń saldaryn eńserý boıynsha ózara tıimdi kómek pen birlesken kúsh-jigerdi atap ótti.
Mınıstrdiń orynbasary M. Pshıdach sondaı-aq qazaqstandyq dıplomat Qaırat Ábdirahmanovtyń EQYU Az ulttar isteri jónindegi Joǵary komıssar laýazymyna saılanýymen quttyqtap, 2022 jyly Polshanyń Uıymǵa tóraǵalyq etýi sheńberinde onyń ofısimen jaqyn yntymaqtastyqqa úmit artatynyn jetkizdi.
Kezdesý qorytyndysy boıynsha Qazaqstan men Polshanyń syrtqy saıası vedomstvolary arasyndaǵy ózara qyzyǵýshylyq týdyratyn barlyq salalardaǵy ekijaqty áriptestikti odan ári damytýǵa baǵyttalǵan dıalogty jalǵastyrý týraly ýaǵdalastyqqa qol jetkizdi.
