Varshavada fanattar arasyndaǵy jańa tártipsizdikter: polıtsııa gaz qoldandy
ASTANA. 13 maýsym. QazAqparat - Varshavada Polsha men Reseı arasyndaǵy matchtyń barysynda tártipsizdikter qaıta jandandy.
Buzaqylar toby myńdaǵan jankúıerler oıyndy úlken ekran arqyly tamashalap otyrǵan - fan-aımaqtyń janynda ornalasqan polıtsııaǵa qarsy shabýyldady.
RBK-nyń habarlaýynsha, polıak quramasynyń sýretteri bar jeńil jeıde kıgen bir top jas polıtsııalarǵa shabýyldap, olarǵa shyny bótelkelerdi laqtyra bastaǵan. Jaýap retinde polıtsııa rezeńke oqtar men kóz jasaýratatyn gazdy qoldandy.
Associated Press agenttigi habarlaǵandaı, jańa tártipsizdikter Polsha-Reseı matchynyń aldynda bolǵan oqıǵalarmen tek janama túrde baılanysty. Eske salaıyq ol kezde polıak radıkaldary reseılik jankúıerlerge búkil qala boıynsha shabýyldaǵan bolatyn.
Polıtsııaǵa shabýyldaýshylardyń biri jýrnalıske bergen suhbatynda atap ótkendeı, buzaqylardyń is-áreketi «olarǵa polıtsııanyń unamaýymen» túsindiriledi.
Aıta keteıik, Polshada sońǵy aılarda radıkaldy fýtbol fanattary men jergilikti ultshyldardyń polıtsııamen qaqtyǵystary birneshe márte oryn aldy.
