Varshavada EQYU-nyń Gýmanıtarlyq ólshem salasyndaǵy sholý konferentsııasy óz jumysyn bastady

Esterińizge sala keteıik, 2010 jyly tamyzdyń 3-inde EQYU Mınıstrler keńesi aǵymdaǵy jyly jeltoqsannyń 1-2-sinde Astanada EQYU sammıtin ótkizý týraly sheshim qabyldaǵan bolatyn. Sondaı-aq, sonyń qarsańynda qyrkúıektiń 30-y men qazannyń 8-i aralyǵynda - Varshavada, qazannyń 18-26-sy aralyǵynda - Venada, qarashanyń 26-28-i aralyǵynda - Astanada Sholý konferentsııalary ótkiziletin bolyp sheshilgen.

Polsha elordasynda ótetin keńeske EQYU elderiniń ókilderi, halyqaralyq máseleler jónindegi sarapshylar, úkimettik emes uıymdar men quqyq qorǵaý salasynyń belsendileri jınalyp otyr. EQYU-nyń qazirgi tóraǵasy - Qazaqstannyń atynan da úlken delegatsııa qatysýda.

Sholý konferentsııasynyń kún tártibine EQYU aıasynda áskerı-saıası jáne ekonomıka-ekologııalyq ólshemdermen qatar qaýipsizdiktiń úsh ólsheminiń biri retinde qarastyrylatyn jáne keń maǵynasynda qaýipsizdiktiń negizgi qaǵıdalarynyń biri bolyp tabylatyn adam quqyqtarymen jáne demokratııamen baılanysty máseleler engizilip otyr.