Vanýanýtý aral memleketinde eki ret jer silkinip, sý tasqyny boldy
PORT-VILA. QazAqparat - Tynyq muhıtyndaǵy Vanýatý memleketi magnıtýdasy 6,5 jáne 6,4 baldyq eki jer silkinisi bolyp, «Djýdı» tsıklony ótken soń tótenshe jaǵdaı jarııalady, dep habarlaıdy QazAqparat VVS News-ke silteme jasap.
4-shi sanattaǵy «Djýdı» tsıklony úlken shyǵyn keltirip, búkil elde sý tasqynyna sebep boldy. Zardap shekkender týraly málimet túsken joq.
Jergilikti turǵyndar endi taǵy bir iri tropıkalyq daýyl - «Kevın» tsıklonyna daıyndalýda.
130 km/saǵ jyldamdyqpen soǵyp, 4-shi sanattaǵy tsıklonǵa aınalatyn daýyl aldynda júzdegen adam Port-Vıladaǵy evakýatsııalyq ortalyqtarǵa aǵyldy.
Gýmanıtarlyq uıym qyzmetkerleri bul buryn-sońdy bolmaǵan jaǵdaı dep otyr.
«Vanýatý tabıǵı apattarǵa úırengen, biraq meniń oıymsha, bul eki tsıklon qatarynan oryn alyp otyrǵan birinshi jaǵdaı», - dedi ıÝNISEF qyzmetkeri Erık Dıýrper.
Sársenbide «Djýdı» tsıklony araldyń soltústiginen ońtústikke qaraı ótip bara jatqanda shatyrlardy julyp, joldardy sý basyp, aǵashtardy julyp áketti. Jeldiń maksımaldy jyldamdyǵy 200 km/saǵ-qa jetti.
Vanýatý sııaqty Tynyq muhıty elderi sońǵy jyldary klımattyń ózgerýinen eń kóp zardap shekti. Teńiz deńgeıiniń kóterilýi, muhıttyń qyshqyldanýy jáne tabıǵı apattardyń jıiligi men aýyrlyǵynyń artýy búkil aımaqta qatty seziledi.
