Vankýverge qar júk kólikterimen tasymaldanady

ASTANA. Qańtardyń 21-i. QazAqparat - Snoýbordıng jáne frıstaıl jarystary ótetin olımpıadalyq nysandarǵa qar júk kólikterimen tasymaldanatyn boldy. Qysqy Olımpıada oıyndary ótetin Vankýverdiń tóńireginde qar jetkiliksiz bolyp otyr, dep habarlaıdy «Maıak» radıosy.

Meteoboljamdar boıynsha, Qysqy Olımpıada oıyndary ashylatyn aqpannyń 12-sine deıin jaǵdaı ózgere qoımaıdy. Sondyqtan da, jarystar ótetin nysandarǵa qar júk kólikterimen, asa qajet bolǵan jaǵdaıda tikushaqtarmen de jetkizetin boldy.

Táýlik boıy iske qosylyp turǵan 35 qar zeńbiregi qar qabatyn jasaý úshin qazirdiń ózinde 95 mıllıon lıtr sý jumsap otyr.