Vankýverdegi HHІ qysqy Olımpıada oıyndarynda Qazaqstan namysyn sporttyń 9 túrinen 37 sportshy qorǵaıdy
ASTANA. Aqpannyń 2-si. QazAqparat - Vankýverdegi HHІ qysqy Olımpıada oıyndaryna Qazaqstan sporttyń 9 túrinen, atap aıtqanda, bıatlon, shańǵy jarysy, taý shańǵysy, konkımen júgirý, shańǵymen tuǵyrdan sekirý, frıstaıl, short-trek, mánerlep syrǵanaý jáne akrobatıkalyq frıstaılden 39 lıtsenzııa jeńip alǵan bolatyn,
dep habarlaıdy QR Sport jáne týrızm mınıstrliginiń baspasóz qyzmeti.
El delegatsııasynyń quramyna 37 sportshy kirip otyr. Olardyń ishinde Ekaterına Aıdova men Aıdar Bekjanovtyń qanjyǵasynda ekiden lıtsenzııa bar.
Olımpıadada Qazaqstannyń namysyn qorǵaıtyndar negizinen Shyǵys Qazaqstan (14) men Aqmola oblystarynyń (8) sportshylary bolyp otyr. Al elordasy Astananyń atynan bıatlonshy Lıýbov Fılımonova jarys jolyna shyqpaq.
Esterińizge sala keteıik, el quramasynyń tý ustaýshysy bıatlon boıynsha sport sheberi Dıas Keneshev bolmaq. 24 jastaǵy D.Keneshev 2008 jylǵy jazdyq bıatlon sporty boıynsha Álem chemıonatynyń kúmis jáne qola júldegeri, Qazaqstan Kýbogynyń ıegeri, Qazaqstan chempıonattarynyń birneshe márte jeńimpazy.
Aıta keteıik, 2010 jyly aqpannyń 4-inde - Olımpıada qalashyǵy resmı ashylady.
2010 jyly aqpannyń 8-inde - Qazaqstan Respýblıkasynyń Týy kóteriledi.
2010 jyly aqpannyń 12-inde - Olımpıada oıyndary ashylady.
2010 jyly aqpannyń 28-inde Olımpıada oıyndary jabylady.
