Vankýverde Olımpıada ótkizýge qar jetispeı jatyr
ASTANA. Qańtardyń 13-i. QazAqparat - Vankýverde ótetin qysqy Olımpıadanyń uıymdastyrýshylary qar jetkize almaı jatyr.
Qysqy olımpıadanyń ashylýyna 1 aı ýaqyt qalǵanda tehnıkalyq mamandar jarystar ótetin jerlerdegi qar qabatynyń sapasyna aıryqsha nazar aýdara bastady. Ýıstlerde tehnıkalyq mamandar sapaly shańǵy jolyn jasaý úshin, jańa jaýǵan qardy jasandy qarmen aralastyrýda. Al shańǵy sporty ortalyǵyndaǵy mamandar syrǵanaýǵa yńǵaıly bolý úshin nysandaǵy muzdy temperatýrasy mınýs 5 gradýs deńgeıinde saqtaý úshin jumys isteýde.
Qysqy maýsymnyń basynda qardyń jetispeýi Olımpıada uıymdastyrýshylaryn arnaıy sharalar qabyldaýǵa májbúrleýde. Atap aıtqanda, taý betkeıleriniń joǵarǵy ýchaskelerinde qar ustaý jumystary júrgizilýde jáne oıyn bastalýǵa úsh apta qalǵanda ol qar taýdyń etegine túsirilip, frıstaıl jáne snoýbordıng jarystaryna soqpaqtar daıyndalady.
