Vankýver Olımpıadasynda Qazaqstan namysyn qorǵaıtyn sportshylardyń tizimi anyqtaldy

Qazaqstan quramasynyń qorjynynda barlyǵy 39 lıtsenzııa bar. Bul táýelsizdik jyldary ishindegi bizdiń sportshylardyń qysqy olımpıada oıyndaryna jeńip alǵan rekordtyq sandaǵy joldamalary bolyp tabylady. Kanadadaǵy olımpıadada sporttyń toǵyz túri boıynsha 37 qazaqstandyq synǵa túsedi, dep habarlaıdy QazAqparat.

Vankýver Olımpıada el namysyn qorǵaıtyn Qazaqstan quramasynyń quramy mynadaı:

Bıatlon, erler: Aleksandr Chervıakov, ıAn Savıtskıı, Dıas Keńeshov, Nıkolaı Braıchenko, Aleksandr Trıfonov; áıelder: Elena Hrýstaleva, Anna Lebedeva, Marına Lebedeva, Lıýbov Fılımonova.

Shańǵy sporty, erler: Nıkolaı Chebotko, Sergeı Cherepanov, Alekseı Poltoranın, Evgenıı Velıchko, Evgenıı Koshevoı; áıelder: Svetlana Malahova, Oksana ıAtskaıa, Elena Kolomına, Tatıana Roşına, Marına Matrosova, Elena Antonova.
Taý shańǵysy sporty: Igor Zakýrdaev, Lıýdmıla Fedotova.
Konkımen júgirý sporty, erler: Dmıtrıı Babenko, Roman Krech, Denıs Kýzın; áıelder: Ekaterına Aıdova (eki dıstsıplınada).
Tuǵyrdan shańǵymen sekirý: Nıkolaı Karpenko, Alekseı Korolev.
Frıstaıl (mogýl), erler: Dmıtrıı Reıherd, Dmıtrıı Barmashov; áıelder: ıÝlııa Rodıonova, Darıa Rybalova, ıÝlııa Galysheva.
Short-trek: Aıdar Bekjanov (eki dıstsıplınada).

Mánerlep syrǵanaý: Denıs Ten, Abzal Rahymǵalıev.

Frıstaıl (shańǵy akrobatıkasy): Jibek Arapbaeva.
Aıta keteıik, Vankýver olımpıadasynda álemniń 80 elinen úsh myńnan astam sportshysy jarys jolyna shyǵady. Olımpıadada sporttyń 15 túrinen 86 medal jıyntyǵy sarapqa salynbaq.

Bul qazaqstandyq sportshylar úshin besinshi qysqy Olımpıada bolmaq. Komandamyz úlken bolmaǵanymen óte jınaqy. Joldamanyń basym bóligin ádettegideı shańǵy sportynyń ókilderi jeńip aldy. Sarapshylar dál osy baǵdarlamalar túrinen bizdiń sportshylarymyzdan jaqsy nátıjeler kútýde. Sońǵy maýsymda qazaqstandyq shańǵyshy Alekseı Poltoranın álemniń úzdik on sportshysynyń qatarynan kóringen bolatyn. Sonymen qatar Nıkolaı Chebatko, Evgenıı Koshevoı, Sergeı Cherepanovtarǵa artar úmit mol.

Al áıelderge altylyqqa ený mindeti júktelip otyr. Degenmen osy maýsymda jeke esepte Elena Kolomına kózge tústi. Ol taıaýda ótken dástúrli «Týr de SKI» jarysynda kúmis júldeni enshilegen edi.Bıatlon jarysynda komandanyń kóshbasshysy Elena Hrýstalevoıǵa zor senim artylyp otyr. Ótken jyly ol álem chempıonatynda altynshy oryndy qanaǵat tutty. Olımpıada medalin utý múmkindigi sporttyń frıstaıl túriniń ókili Dmıtrıı Reıhardta mol. Ol ótken maýsymda «Mogýl» dárejesinde Álem kýbogy kezeńiniń birneshe medalin ıelense, al osydan eki apta buryn álem birinshiliginiń qola júldesin oljalady.

Mánerlep syrǵanaý jarystary da óte tartysty ótedi dep kútilýde. Sporttyń bul túrinen qazaqstandyq Denıs Ten men Abzal Rahymǵalıev, Brıan Jýber, Patrık Chan syndy mánerlep syrǵanaýdyń sańlaqtary jáne TDM-ǵa tanymal reseılik Evgenıı Plıýşenkomen qatar óner kórsetpek. Sonymen qatar elimiz Kanadada ótetin olımpıadada alǵash ret short-trek baǵdarlamasyna qatysady.