Vankýver festıvalindegi qaıǵyly oqıǵa: kóz jumǵandar sany belgili boldy

ASTANA. KAZINFORM — Vankýver polıtsııasy mereke kezinde kóliktiń bir top adamdy qaǵyp ketýi saldarynan 9 adamnyń qaza tapqanyn habarlady, dep jazady BBC.

Kanadanyń Vankýver qalasynda Fılıppın qaýymy Lapý-Lapý kúnin atap ótip jatqan edi. Kenetten jol talǵamaıtyn kólik bir top adamdy basyp ótti. Polıtsııa oqys oqıǵa saldarynan 9 adam qaza tapqanyn rastady.

Fýdtrak ıeleriniń biri Ioseb Vardeniń aıtýynsha, qatty jyldamdyqpen kelgen kólik fýtraktar turǵan kóshe boıymen júrip ótken. Onyń júrgizýshisi oqıǵadan keıin qashyp ketpek boldy. Biraq birden ustaldy. Varde atap ótkendeı, bul sumdyq kórinis boldy. Sebebi onyń birneshe tutynýshysy kóz aldynda qaza bolǵan.

Eske salsaq, oqıǵa Kanadanyń Vankýver qalasynda mýzykanttardyń merekelik kontsertinen keıin qyzmetkerler kólikterge jaıaý júrginshiler aýmaǵynan ótýge kómektesip jatqan kezinde  bolǵan. Qazir 30 jastaǵy júrgizýshi ustaldy.